Edhe Bayerni hyn në garë për Coutinhon
Philippe Coutinho është njëri prej futbollistëve më të përfolur në afatin kalimtar të verës. Garës për mesfushorin brazilian i është futur edhe Bayern Munichu
“Telenovela” Philippe Coutinho po vazhdon edhe në muajin gusht, shkruan Gazeta Express.
Barcelona e ka ndërmend ta shesë mesfushorin brazilian, i cili megjithatë e preferon më shumë qëndrimin në Camp Nou.
Ekipet që e duan futbollistin kualitativ janë të shumta, ndërsa së fundmi në garë është futur edhe Bayern Munichu.
Lajmin e ka bërë të ditur e përditshmja spanjolle, Mundo Deportivo.
Gjiganti bavarez është në kërkim të zëvendësuesit të dyshes së larguar, Franck Ribery e Arjen Robben, prandaj e shohin ish-futbollistin e Liverpoolit si ideal për këtë pozitë.
Coutinho e pati një sezon të vështirë në fanellën e Barcelonës, por është i vendosur t’i tregojë vlerat e tij në edicionin 2019/20.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]