Ekskluzive: Kastriot Rexha flet për derbin ndaj Prishtinës

Prishtina dhe Feronikeli do të përballen në takimin derbi të kësaj jave në IPKO Superligën e Kosovës, shkruan GazetaAlo.

Bomberi i IPKO Superligës, Kastriot Rexha në një prononcim ekskluziv për GazetënAlo ka folur për sfiden ndaj Prishtinës e cila ka peshë të madhe për të dyja skuadrat.

“Për ne është një ndeshje shumë e rëndësishme pasi që luajm me kundërshtarin tonë direkt që lufton për titull. Synimi ynë është të dalim me rezultat pozitiv nga kjo përballje”, ka thënë fillimisht sulmuesi i Feronikelit.

Rexha derbin me Prishtinën e ka cilësuar si të vështirë për të dyja skuadrat.

“Po thash ndeshje e veshtirë si për ne ashtu edhe për Prishtinën. Unë personalishtë do të isha i kënaqur edhe sikur sfida të mbyllej me barazim”, ka thënë golashënuesi më i mirë i Superligës.

“Prishtina ka përparsi terenin vendas sepse luan para shikusve të vet por ne jemi duke treguar ndeshje dhe rezultate shumë të mira si musafir. Prandaj është një duel i paparashikushem”, ka shtuar Rexha.

Ndërsa në pyetjen se do t’i shënoj apo jo gol Prishtinës, ai ka deklaruar.

“Do të mundohem te jap maksmimumin për të shënuar, por synimi është fitorja e skuadrës”, ka përfunduar super sulmuesi i Feronikelit, Kastriot Rexha i cili është golashënuesi më i mirë i IPKO Superligës së Kosovës.

Derbi i kësaj jave ndërmjet Prishtinës dhe Feronikelit luhet të mërkurën në stadiumin “Fadil Vokrri” nga ora 17:00. /GazetaAlo.