Kandidati për deputet nga radhët e PDK-së Ferat Shala ka vazhduar fushatën në vendbanime të ndryshme të Kosovës. Kësaj radhe ai ka qëndruar në Baicë, Domanek e Tërdevc.
Shala ka deklaruar se banorët e Baicës, Domanekut dhe Tërdevcit masovikisht dhe fuqishëm po i japin mbështetje programit dhe vizionit të Partisë Demokratike të Kosovës.
‘Këta njerëz të mirë dhe punëtorë, ashtu siç e duan dhe nderojnë vendin e tyre, e dinë po ashtu se kujt duhet t’ia besojnë qeverisjen’, shprehet Shala.
Sipas tij, banorët e Baicës, Domanekut dhe Tërdevcit e kanë ndarë mendjen: Bashkë me PDK-në ndërtojmë të ardhmen.