“Fol me mjekun” – kuptoni nga shtëpia nëse keni simptoma të koronavirusit
Ministria e Shëndetësisë ka njoftuar të martën në mbrëmje se ka lansuar platformën informative shëndetësore online Kosova.health.
Në njoftim theksohet se kjo platformë përmban informacionet e përditësuara lidhur me përhapjen e virusit Covid-19 në Kosovë.
“Pjesë e rëndësishme e kësaj platforme është rubrika “Fol me mjekun”, përmes së cilës ju mund të shtroni pyetje lidhur me shqetësimet e juaja shëndetësore rreth Covid-19 dhe të merrni përgjigjet nga profesionistët e shëndetësisë nëse keni simptoma që kanë të bëjnë me virusin Covid-19. Në këtë platformë mund të gjeni edhe informata të tjera të rëndësishme rreth koronavirusit Covid-19 dhe udhëzime rreth masave parandaluese”, thuhet në njoftim.
Platforma është në gjuhët shqipe, serbe dhe angleze, thuhet në njoftimin e ministrisë.
Deri të martën, në Kosovë, shifra e personave të prekur me virusin COVID-19 ka shkuar në 19. Raste të të infektuarve me koronavirus kanë raportuar mbi 150 vende në botë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]