Futbollisti e godet brutalisht referen, arrestohet nga policia

Skenat e dhunës në futboll vazhdojnë ta kenë si fole Amerikën e Jugut.

Incidentet në këtë kontinent janë bërë thuajse përditshmëri dhe të zakonshme.

Në fakt, në Argjentinë është sulmuar fizikisht një refere femër.

Futbollisti i Garmenses, Cristian Tirone e ka goditur gjyqtaren e ndeshjes, Dalma Cortadi, e cila përfundoi e shtrirë në tokë.

Futbollisti në fjalë nuk e ka pëlqyer vendimin e referes, për ta sulmuar atë barbarisht nga prapa.

🚨Cobarde agresión a una mujer árbitro de un futbolista en el partido de reserva Independencia ante Garmense, correspondiente a la Liga de Tres Arroyos.
*️⃣La víctima es Dalma Cortadi y el autor del hecho, Cristian Tirone. pic.twitter.com/a5wZT6QKLv

— César Luis Merlo (@CLMerlo) July 31, 2022

Derisa vendësit ishin duke protestuar gjatë ndeshjes me Deportivo Independienten, në një takim të ligës së niveleve më të ulëta të futbollit argjentinas, papritmas gjyqtarja e merr një goditje, derisa e kishte dhënë një karton më parë.

I menjëhershëm ishte intervenimi i policisë, i cili e arrestoi futbollistin Tirone, ndërsa ai po akuzohet për sulm fizik dhe dhunë në terrene sportive.

Ndeshja me këtë rast u ndërpre pasi s’kishte kushte dhe atmosferë më për t’u vazhduar ajo, shkruan “Gazeta Express”.

Klubi Garmenses, edhe pse i kërkoi falje gjyqtares Dalma Cortadi për këtë gjest të turpshëm dhe skandaloz të lojtarit të tij, pritet të dënohet rëndë.

Gjithashtu, dënimi e pret edhe protagonistin negativ të kësaj skene, Cristian Tirone