Gjithçka gati për El Clasico

Gjithçka është gati për El Clasicon e sotëm në Camp Nou, me Lionel Messin që është në stol për Barcelonën dhe Santiago Solarin që ka befasuar duke e përdorur Marcos Llorenten në vend të Casemiros në mesfushë për Real Madridin.

El Clasico e dytë për këtë sezon do të zhvillohet sonte në Camp Nou, ku Barcelona e pret Real Madridin për ndeshjen e parë gjysmëfinale të Kupës së Mbretit, raporton Gazeta Express.

Lionel Messi nuk ia ka dalë të jetë titullar, pas shqetësimit nga një lëndim që e mori në kofshe në një ndeshje të La Ligës kundër Valencias në fundjavë. Në vend të tij është Malcom.
Ndërkohë, për herë të parë do ta shijojë El Clasicon edhe talenti brazilian Vinicius.

Kjo do të jetë vetëm ndeshja e parë në radhën e tri El Clasicove që do të zhvillohet gjatë një muaj ditëve, pasi që ndeshja kthyese në Kupën e Mbretit do të zhvillohet më 27 shkurt e pastaj ndeshja e La Ligës më 2 mars, transmeton Gazeta Express.

Barcelona vjen në këtë ndeshje pas barazimit më Valencian në La Liga, ndërsa në Kupën e Mbretit kishte fituar bindshëm kundër Sevillas me rezultat 6:1. Në anën tjetër, Real Madridi e fitoi ndeshjen e fundit me rezultat 3:0, kundër Alavesit, dhe e zuri një vend në gjysmëfinale të kupës duke e mposhtur Gironën me rezultat të përgjithshëm 7:3.

Skuadra e Santiago Solarit ka arritur të përmirësohet gjatë ndeshjeve të fundit, pasi e kishte filluar sezonin në mënyrë aspak bindëse. Në tetor të vitit të kaluar, Barcelona e tronditi Real Madridin duke fituar me rezultat 5:1, ku protagonist ishte Luis Suarez me het-trikun e tij.

Përderisa në atë ndeshje Real Madridi kishte pasur më shumë goditje drejt portës sesa Barcelona (15 për Real Madridin dhe 13 për Barcelonën), madrilenët duhet të tregohen më të saktë këtë herë nëse e duan një vend në finale.

Formacionet zyrtare:
Barcelona:

Real Madrid: