Grenell nuk është më në krye të Inteligjencës së ShBA-ve
I dërguari special për dialogun Kosovë-Serbi, Richard Grenell, nuk do të jetë më ushtrues detyre i Shefit të Inteligjencës Kombëtare të Shteteve të Bashkuara të Amerikës.
Tetë ditë pasi Grenell u emërua ushtrues detyre i Drejtorit të Inteligjencës Kombëtare, presidenti i ShBA-ve, Donald Trump, e ka emëruar në këtë pozitë kongresmenin republikan, John Ratcliffe.
“Jam i nderuar të njoftoj emërimin e Kongresmenit John Ratcliffe për Drejtor të Inteligjencës Kombëtare (DNI)”, u shpreh Trump, në një shkrim në Twitter.
Ambasadori i ShBA-ve në Berlin, Richard Grenell, e uroi kongresmenin Ratcliffe për pozitën e re në një cicërim në Twitter.
Në cilësinë e të dërguarit special për dialogun, Grenell deri më tani ka ndërmjetësuar arritjen e dy marrëveshjeve midis Kosovës dhe Serbisë – marrëveshja për hapjen e linjes ajorore Prishtinë-Beograd dhe atë për linjën hekurudhore dhe autostradën. /Insajderi.com
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]