Fjalë Kyçe

Grumbullimet në qendra tregtare, Hoti: Në dy javët në vijim, qindra qytetarë që do të kërkojnë trajtim në spitale

Grumbullimet në qendra tregtare, Hoti: Në dy javët në vijim, qindra qytetarë që do të kërkojnë trajtim në spitale

Kryeministri i Kosovës, Avdullah Hoti, ka reaguar pas grumbullimit të qytetarëve në qendra tregtare.

Ditën e djeshme, shumë qytetarë janë parë që janë mbledhur nëpër qendra tregtare dhe shëtitore në qytete të ndryshme të Kosovës janë parë grumbull i qytetarëve pa u penguar nga askush dhe pa u kujdesur për masat mbrojtëse të koronavirusit.

Pas kësaj situate, ka reaguar kryeministri i Kosovës, Avdullah Hoti.

Përmes një postimi në profilin e tij zyrtar në rrjetin social Facebook, Hoti ka shkruar këto grumbullime kanë qenë në kundërshtim me masat e qeverisë dhe rekomandimet e IKSHPK-së dhe profesionistërve shëndetësorë.

Ai ka thënë se në mesin e këtyre qytetarëve mund të ketë pasur edhe të infektuar me koronavirus, gjë që pas dy javësh shumë qytetarë do të kërkojnë ndihmën e mjëkëve nëpër spitale të ndryshme.

Reagimi i plotë i Hotit, pa ndërhyrje:

Të dashur qytetarë,

Dje ne e uronim njëri tjetrin në familjet tona, ndërsa mjekët, infermierët dhe stafi tjetër mbështetës kujdeseshin për të dashurit tonë të prekur me COVID-19.

Mbrëmë ka pasur grumbullim të madh të qytetarëve në disa qendra, që është në kundërshtim me masat e ndërmarra nga Qeveria, të rekomanduara nga IKSHP dhe profesionistët shëndetësorë. Në gjithë atë masë të njerëzve është e sigurt se ka pasur të prekur me COVID-19, që mund të jenë pa simptoma. Kushdo që ka qenë prezent aty, me gjasë e ka marrë virusin. Kjo nënkupton se në dy javët në vijim, qindra qytetarë që do të kërkojnë trajtim në spitale nga po të njëjtit mjekë, këshillat e të cilëve nuk po i respektojnë.

Policia dhe inspektorati janë në terren për të mbikëqyrë zbatimin e masave, por ata nuk mund të na ruajnë nga vetja jonë. Secili nga ne duhet të jetë polic dhe inspektor. Kur shkoni në dyqan, në furrë, në restorant, në komunë, e kudo tjetër, të siguroheni se janë plotësuar kushtet që ju vetë të mos infektoheni dhe të mbroni të tjerët.

DUHET të qëndroni në shtëpitë e juaja, në mënyrë që të ruani familjen e juaj, miqtë dhe të tjerët. DUHET të qëndroni larg turmave, të mbani maskën jashtë shtëpisë, e në veçanti në ambiente ku ka qytetarë. DUHET të mbani gjithmonë distancën prej dy metrash. DUHET të mos përshëndeteni me dorë. DUHET të mbani higjienën dhe përdorni dezinfektues duarsh. Rrugë tjetër nuk ka, derisa nuk zbulohet vaksina.

Përndryshe, sistemi shëndetësorë nuk mund të përballojë ngarkesën, duke mos qenë në gjendje të ofrojë kujdes për të prekurit me COVID-19 që kanë nevojë për trajtim.

Të angazhohemi të gjithë së bashku që të ruajmë të dashurit tonë.