Fjalë Kyçe

Grushti ndaj Sali Berishës, reagon Ambasada Amerikane në Shqipëri

Grushti ndaj Sali Berishës, reagon Ambasada Amerikane në Shqipëri

Ambasada amerikane ka reaguar për sulmin ndaj kryetarit të Partisë Demokratike, Sali Berisha, i cili u godit me grusht nga një person paraditen e të martës, teksa po niste protesta e opozitës.

“U skandalizuam nga sulmi fizik sot ndaj një anëtari të Parlamentit dhe presim që autoritetet ta hetojnë plotësisht incidentin. Askush nuk duhet sulmuar sepse ushtron lirinë e fjalës në përputhje me ligjin”, tha një zëdhënës i ambasadës për A2 CNN.

Pasi mbylli protestën e tij, Sali Berisha hodhi akuza ndaj qeverisë, duke thënë se ata kanë organizuar sulmin fizik ndaj tij.

Për Berishën kjo ishte protesta e jetës, që sipas tij do të shkruhet me germa të arta.

“Regjimi i shëmtuar bëri gjithçka që protesta jonë të mos zhvillohej, kaloj edhe në një akt që dëshmoi karakterin për një krimineli si Edi Rama. Ai që e organizoi zgjodhën një person që mund të bëjë çdo gjë. E panë si një masë të fundit pasi ju panë juve protestues. Këtë protestë historia do ta shkruaj me germa të arta. Kjo e sotmja ka qenë kryeprotesta e jetës. Nuk ka forcë në botë që të na ndalojë.” tha Berisha.