Fjalë Kyçe

Hapen çerdhet dhe shkollat nga e hëna

Hapen çerdhet dhe shkollat nga e hëna

Disa prej masave të reja që pritet të merren nga Qeveria e Kosovës nga kjo e hëne janë hapja e çerdheve dhe shkollave me prani fizike, por duke respektuar udhëzuesit përkatës.

Po ashtu, gastronomia lejohet të shfrytëzojë 50% të hapësirave të mbyllura dhe klientëve do t’u kërkohet që të kenë me vete kartelën e vaksinimit ose testin PCR, serologjik apo të antigjen.

Kurse hapësirat e hapura do të vazhdojnë të shfrytëzohen deri në 70% të kapacitetit.

Orari i kufizimit të qarkullimit të qytetarëve mbetet i njëjti, pra nga 22.00 deri në ora 05.00.

Ministri Vitia informoi kryetarët e komunave me propozim masat e reja që pritet të hyjnë në fuqi pas datës 27 shtator 2021:

– Mësimi në të gjitha nivelet e arsimit parauniversitar do të fillojë me datën 27 shtator ku në klasa nuk do të lejohen më shumë se 20 nxënës. Në klasat me më shumë se 20 nxënës, mësimi mbahet në dy grupe.

– Institucionet do të punojnë me kapacitete të plota, personeli duhet të ofrojë dëshmi të vaksinimit ose teste përkatëse.

– Kufizimi i lëvizjes vazhdon të mbetet i njëjtë, nga ora 22:00 – 05:00h.

– Gastronomia do të vazhdojë me të njëjtin orar. Lejohet puna brenda lokaleve për personat që ofrojnë dëshmi të vaksinimit ose teste përkatëse. Kjo nuk vlen për ambientet e jashtme të gastronomisë.

– Personeli i Sektorit Publik dhe Privat, të cilët kanë punë me palë, duhet të janë të vaksinuar ose të ofrojnë dëshmi për testet relevante.

Në këtë takim, nga Kryetarët e Komunave dhe përfaqësuesit tjerë komunalë të pranishëm në këtë takim online me Ministrin e Shëndetësisë u paraqiten edhe sfidat dhe nevojat aktuale që janë në komunat e Kosovës me theks të veçantë lidhur me fillimin e procesit mësimor.

Në të njëjtën kohë nga të gjithë u kërkua që të kenë vigjilencë në respektimin e këtyre masave për parandalim të përhapjes së virusit.