Fjalë Kyçe

Haradinaj në ditën e Lirisë së Shtypit: Qeveria do ta vazhdojë dialogun me gazetarët

Haradinaj në ditën e Lirisë së Shtypit: Qeveria do ta vazhdojë dialogun me gazetarët

Sot shënohet Dita Ndërkombëtare e Lirisë së Shtypit.

E, për këtë ditë kryeministri i Kosovës, Ramush Haradinaj ka thënë se derisa Kosova ka shënuar ngritje për katër vende në mbrojtjen e gazetarëve, ky përmirësim fiton në peshë pasi që sivjet hetohet një rënie e përgjithshme të lirisë së shtypit në Europë në tërësi në vitin 2018, shkruan Gazeta Alo.

Sipas tij, Qeveria e Kosovës do ta vazhdojë dialogun me gazetarët për një transparencë dhe llogaridhënie gjithnjë e më të avancuar.

Postimi i tij i plotë:

Në Ditën Ndërkombëtare të Lirisë së Shtypit, Kosova ka shënuar ngritje për katër vende në mbrojtjen e gazetarëve, sipas Raportit të Reporterëve pa Kufij dhe ky përmirësim fiton në peshë pasi që sivjet hetohet një rënie e përgjithshme të lirisë së shtypit në Europë në tërësi në vitin 2018.

Megjithëse Raporti i Reporterëve pa kufij, për këtë vit ka përmendur përmirësimet në marrëdhëniet mes mediave dhe Qeverisë, duke vënë në dukje se Qeveria aktuale duket më e gatshme të flasë me gazetarët dhe mediat në tërësi.

Qeveria do ta vazhdojë këtë dialog me gazetarët për një transparencë dhe llogaridhënie gjithnjë e më të avancuar, duke qenë e vetëdijshme për sfidat që i ka përpara për të krijuar një pasqyrë plotësisht pozitive në progresin e lirisë së shtypit./Gazeta Alo/