Fjalë Kyçe

Hardinaj ka dy kërkesa për Qeverinë Kurti

Hardinaj ka dy kërkesa për Qeverinë Kurti

Kryetari i Aleancës për Ardhmërinë e Kosovës, Ramush Haradinaj, ka kërkuar nga Qeveria e Kosovës, që ta shtyjë afatin e mundësisë së marrëveshjeve për bizneset si masë e Programit të Rimëkëmbjes Ekonomike deri në fund të vitit 2021 si dhe të zgjatet periudha e marrëveshjeve për shlyerje të detyrimeve.

“Pandemia e ka vështirësuar afarizmin dhe ia ka pamundësuar pagesën e tatimeve shumë bizneseve, prandaj kërkojmë nga Qeveria e Kosovës që:
-Afatin i cili përfundon më 30 qershor, të përcaktuar me vendim të Qeverisë, si masë e Programit të Rimëkëmbjes Ekonomike, ta shtynë deri në fund të vitit 2021; dhe
– të zgjatet periudha e marrëveshjeve për shlyerje të detyrimeve”, ka shkruar Haradinaj në Facebook.

“Meqenëse Ligji për Rimëkëmbjen Ekonomike ka vonuar të miratohet nga Kuvendi i Kosovës, afatet për faljen e ndëshkimeve të bizneseve janë të kufizuara dhe si pasojë nuk kanë mundur të përfitojnë nga kjo masë, edhe ashtu e pamjaftueshme”.