Hoxhaj nga Suhareka: Në qeverinë e rimëkëmbjes rriten pensionet për 30 për qind dhe do të sigurojmë barna falas
Kandidati për kryeministër nga radhët e PDK-së, Enver Hoxhaj ka treguar se mëngjesin e sotëm e ka nisur me një vizitë në Shtëpinë e të Moshuarve në Suharekë dhe më pas ka vazhduar një takim me pensionistët.
Përmes një shkrimi në Facebook, Hoxhaj ka thënë se në Shtëpinë e të Moshuarve ku ishte bashkë me humanistin Halil Kastrati, u zotua që si kryeministër i ardhshëm do ta ketë prioritet kujdesin shtetëror për të moshuarit.
“Do të rrisim pensionet për 30 për qind dhe do të sigurojmë barna falas. E për ta nderuar traditën e pensionistëve tanë, u ndala për të shijuar një lojë shahu me ta, ku përveç respektit, biseduam edhe për rimëkëmbjen që na duhet dhe veçmas çfarë iu duhet atyre përgjatë rimëkëmbjes”, ka shkruar Hoxhaj.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]