“I ka bërë rrush e kumbulla”, “E ka një dërrasë mangu”, Dua Lipa dhe Jimmy Kimmel shkaktojnë të qeshura me disa fjali të thëna në shqip

Të ftuarit në “Jimmy Kimmel Live” kurrë nuk dinë nga ku mund t’ju vijë surpriza, dhe për këngëtaren e famshme shqiptare Dua Lipa, kjo nuk ishte përjashtim.

Gjatë vizitës së saj të fundit në emisionin e njohur amerikan, Dua ndau disa detaje për albumin e ri që pritet me padurim nga fansat e saj, por momenti që çoi në kulmin e gazit ishte një sfidë e lehtë e propozuar nga vetë Jimmy Kimmel.

Toptha energjie nga çokollata me lajthi dhe fara lulëkuqejeEdhe po të bëhen bashkë Ronaldo dhe Messi, nuk mund të kalojnë pasurinë e ish-sportisti…Elinel dhe Muma vijnë me këngën e re “A je mirë”Hillary Clinton e konsideron Netanyahun si “jo të besueshëm”, thotë se ai duhet të larg…Afati kalimtar veror do të “pushtohet” nga Real Madridi: Lista me transferi…
Moderatori e njohur, me një buzëqeshje të gjerë, prezantoi një lojë ku synonte të shqiptojë disa fjali të besëtytnive të shkruara në shqip, të cilat ishin zgjedhur për kompleksitetin e tyre fonetik dhe kuptimin e tyre të veçantë. Ai më pas kërkoi ndihmën e Duas për të korrigjuar shqiptimin dhe sqaruar kuptimin e tyre.

Fjalitë si “I ka bërë rrush e kumbulla”, “Sa për sy e faqe”, “E ka një dërrasë mangu”, dhe “Hip se të vrava, zbrit se të vrava” u lexuan nga Jimmy me një shqiptim që shkaktonte të qeshura pas çdo përpjekjeje.

Këto fraza, që janë thellësisht të rrënjosura në zhargonin dhe kulturën popullore shqiptare, duket se i sollën sfida Jimmy-t, por edhe një dozë të mirë të qeshjes për publikun, veçanërisht për shqiptarët që i ndiqnin.

Dua Lipa, me një qetësi dhe karizmë të natyrshme, e udhëhoqi Jimmy-n përmes çdo shprehjeje, duke shpjeguar humorin dhe ndonjëherë edhe kuptimin absurd që fshihet prapa tyre. Të qeshurat në studio ishin të dyfishta – nga njëra anë për shqiptimin e heshtur të Jimmy-t dhe nga ana tjetër për zbulimin e një anës së kulturës shqipe që rrallë shfaqet në ekranet amerikane.

Natën e humorit të “Jimmy Kimmel Live” e përjetoi një publik ndërkombëtar, por për ata që njohin dhe jetojnë me këto shprehje çdo ditë, ishte një moment krenarie dhe qeshjeje – të shohin një pjesë të vogël të Kosovës të shkëlqente në shkallë globale, nga goja e një prej prezantuesve më emblematik të televizionit amerikan.