Katër persona sulmojnë me shufra metalike pronarin dhe kamarierët e një lokali në Mitrovicë
Një rrahje ka ndodhur mbrëmë në një lokal në Mitrovicë. Katër persona të maskuar e të armatosur me armë dhe shufra metalike kanë hyrë në lokal dhe e kanë sulmuar pronarin dhe dy kamarierët, duke i bërë për spital, raporton Express.
Policia ende s’ka arritur që t’i identifikojë të dyshuarit për këtë rast, derisa viktimat kanë pranuar tretman mjekësor në spitalin rajonal.
“Mitrovicë Jugu 20.05.2021-19:48. Është raportuar për një rrahje në një kafiteri ku katër persona të dyshuar meshkuj, të maskuar dhe të armatosur me armë të shkurta dhe me shufra metalike kishin hyrë në lokal dhe kishin sulmuar me shufra metalike pronarin e kafiterisë dhe dy kamerierët e lokalit meshkuj kosovarë. Si pasojë e sulmit, tre personat e lënduar janë dërguar për tretman mjekësor në emergjencën e spitalit rajonal. Të dyshuarit për momentin janë të paidentifikuar dhe të njëjtit kanë ikur nga vendi i ngjarjes në drejtim të panjohur. Rasti është duke u hetuar nga njësitet policore”, ka njoftuar Policia.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]