Katër persona kanë mbetur të lënduar si pasojë e një aksidenti trafiku që ka ndodhur sot, e shtunë, në Fushë Kosovë.
Në aksident janë përfshirë dy vetura.
Rastin për Insajderi-n e ka konfirmuar zëdhënësja e policisë për rajonin e Prishtinës, Flora Ahmeti.
“Sot rreth orës 16:00, në rrugën Prishtinë –Fushë-Kosovë, ka ndodhur një aksident komunikacioni, ku janë përfshirë dy automjete. Si pasojë e aksidentit katër persona kanë pësuar lëndime. Të njëjtit janë dërguar për trajtim mjekësor. Me rastin po merret njësiti i trafikut”, tha Ahmeti.