Kishte modifikuar shasinë e makinës, kapet shqiptari me 72 kg drogë në Qafë Botë
Shërbimet e Policisë Kufitare në Qafë Botë kanë arrestuar një 45-vjeçar, pasi tentoi të kalonte një sasi prej 72 kg kanabis drejt Greqisë.
Gjatë kontrollit të automjeteve në Pikën e Kalimit Kufitar në dalje nga Republika e Shqipërisë, Shërbimet e Policisë Kufitare kanë kaluar për kontroll të detajuar në vijën e dytë automjetin tip “KIA”, që drejtohej nga një shtetas 45-vjeçar nga Saranda, me iniciale A.SH.
Nga kontrolli i ushtruar, policia ka konstatuar se në pjesën e poshtme të mjetit ishte krijuar dopio shasi, ku brenda së cilës ishte fshehur një sasi e konsiderueshme me lëndë narkotike.
Në vendngjarje kanë shkuar grupi hetimor dhe specialistët për Hetimin e Narkotikëve në Komisariatin e Policisë Sarandë.
Materialet do t’i kalojnë Prokurorisë pranë Gjykatës së Shkallës Parë Sarandë për veprime të mëtejshme, për veprën penale “Trafikimi i lëndëve narkotike” e mbetur në tentativë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]