Kjo është historia e fotografisë së grupit të Adem Jasharit

Sami Lushtaku me bashkëluftëtarë kujtojnë një fotografi që u shkrep para gati tre dekadave.

Historia e fotografisë së grupit të Adem Jasharit.

Aty kishin dalë Adem Jashari me grupin e tij pas një aksioni në Drenas.

Bashkë me Adem Jasharin ishin edhe vëllai i tij Hamza, Ilaz Kodra, Sahit e Musa Jashari, Jakup Nura e Sami Lushtaku. Tre të parët ranë heroikisht derisa të tjerët shpëtuan por me plagë të rënda.

Imazhi që u shkrep në vendin e quajtur Kërrshi i Prellovcit, sipas Sami Lushtakut, u bë me kërkesë të komandantit legjendar me qëllim që të frymëzoheshin të rinjtë brez pas brezi.

“Kemi qenë të armatosur gjithmonë. Nuk ka qenë fotografi, hajt veç të dalim të armaotsur”, tha Lushtaku.

E Sahit Jashari ka një shpjegim pse e kishte mbajtur në qafë Ilaz Kodrën.

“Ilaz Kodra ka qenë shok i gjeneratës në shkollën fillore por edhe kemi pasur muhabet shumë të lirë me të”, tha ai.

Fotografinë e kishte shkrepur Sami Nura.

Por atë çast ka munguar Fadil Kodra, ani se ishte pjesë ë grupit andaj e ka merak pse mungoi në fotografi ndonëse nuk i xhelozon shokët.

Vendi është afër shtëpisë së Jakup Nurës i cili gjendet jashtë vendit.