Kjo është pasuria e bijës së ish-Presidentit Rugova
E bija e Presidentit Historik, Ibrahim Rugovës ka pasuri milionëshe. Vetëm shtëpia që ajo ka në pronësi të përbashkët vlen 1 milionë e 500 mijë euro. Familja Rugova kanë edhe një banesë në vlerë 68 mijë euro, raporton Express.
Në deklarimin e pasurisë, deputetja Teuta Rugova ka deklaruar së ka në bashkëpronësi shtëpinë që e ka trashëguar nga prindi i saj që thotë se vlen më shumë se 1 milion euro, dhe banesën vlera e së cilët thotë se është 68 mijë euro.
Si pasuri të luajtshme, ajo ka deklaruar një veturë që vlen 20 mijë euro, e që thotë se është blerë me kursime dhe se i takon prindit.
Teuta ka edhe borxhe. Vlera e kredisë që ajo ka marrë për qëllime personale është tetë mijë euro.
Të hyrat vjetorë të saj sillen rreth 19 mijë euro, të cilat i merr si deputete dhe mëditje.
Ajo e ka deklaruar edhe një pension prej 400 euro që Lidhja Demokratike e Kosovës i’a jep nënës së saj, Fana Rugovës, dhe 2 mijë e 100 euro të tjera që ajo i merr nga Presidenca.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]