Konfirmohen edhe 36 rasta të reja me Covid-19 në Kosovë
36 raste të reja janë raportuar sot në Kosovë me koronavirus. Gjithashtu, 8 janë të shëruar.
Instituti i Shëndetit Publik njofton se janë bërë 201 teste.
Rastet pozitive janë raste kontakti nga: komuna e Vushtrrisë 24 raste (sipas vendbanimit: 15 Nedakoc, 6 Vushtrri, 2 Novolan dhe 1 Reznik), komuna e Mitrovicës 6 raste (sipas vendbanimit: 6 raste Mitrovicë) dhe Fushë Kosovë 6 raste (sipas vendbanimit: 6 Miradi e Poshtme).
Sot më 06 qershor 2020, janë shëruar 8 pacientë derisa numri i përgjithshëm i të shëruarve deri më sot është gjithsej 884 raste.
Sipas IKSHPK-së, janë testuar gjithsej 16.378 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.194 raste.
Deri tash, 31 persona kanë vdekur, dhe sipas IKSHPK-së, kanë pasur sëmundje të tjera shoqëruese.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]