Feronikeli fiton titullin kampion, por medalje merr edhe kryetari i një klubi tjetër të Superligës.
Sigurisht, kjo ndodhë vetëm në Kosovë.
Kryetari i Drenicës, Ragip Veseli, ishte pjesë e festës së Feronikelit, që u stolis me titullin kampion pasi mundi Prishtinën 1:0, shkruan Gazetasheshi.com.
Ai kishte të veshur fanellën e skuadrës nga Drenasi për festën e titullit, derisa mori edhe medalje.
E derisa Veseli shijoi festën me Feronikelin, klubi që ai drejton, Drenica, zhvillonte ndeshjen më të rëndësishme të kampionatit ndaj Lirisë.
Mirëpo, sfida e kuqezinjve nuk ishte interesante për Veselin sepse paraprakisht dihej që Drenica do të marrë tri pikët.