Fjalë Kyçe

Ky është 72 vjeçari nga Rahoveci i ftuar nga Specialja për intervistim

Ky është 72 vjeçari nga Rahoveci i ftuar nga Specialja për intervistim

Isuf Gashi i njohur nga ana e Rahovecit me nofkën Baca i Madh, është ftuar për intervistim nga Prokuroria e Specializuar.

Luftëtari i Ushtrisë Çlirimtare të Kosovës (UÇK), invalid dhe veteran i luftës Isuf Gashi, të mërkurën është intervistuar nga Gjykata Speciale, rreth orës 09:30, në Prishtinë, e cila është duke vazhduar ende. Këtë e ka konfirmuar vetë pjesëtarët e familjes Gashi, shkruan Metro.

Isuf Gashi i njohur si Baca i Madh është nga fshati Drenoc i Komunës së Rahovecit. Gjatë luftës së fundit Familja Gashi humbi shumë anëtarë të familjes, prej të cilëve shumica ishin edhe pjesëtarë të UÇK-së. Kjo është ftesa e parë që po i bëhet nga Specialja, të cilës Isuf Gashi ju është përgjigjur vullnetarisht.

Përndryshe, në vitin 2005, nga Gjykata e UNMIK-ut, Gashi ishte akuzuar për Krime të Luftës, por që ishte shpallur i pafajshëm në një proces gjyqësor që zgjati pak vite.

Sot Gashi është 72 vjeç, dhe jeton si fermer vreshtar në pronën e tij në fshatin Drenoc të Rahovecit. Ai njihet si një nga figurat e respektuara të familjeve patriotike që kontribuuan në Luftën Çlirimtare.