Ky është rreshteri i cili po dyshohet se i mori jetën një personi në kazino në Suharekë (Foto)
Një person u qëllua me armë zjarri të dielën në një kazino në qytetin e Suharekës.
Policia përmes një njoftimi bëri të ditur se në bazë të provave materiale, viktima nga Mushtishti u qëllua nga një zyrtar policor.
“Në bazë të provave materiale, viktima është J. A. nga fshati Mushtisht. Kemi ardhë në përfundim se i dyshuari i vetëm është një zyrtar policor, rreshter në veri të Prizrenit me iniciale S.SH. Policia ka bërë kontrollin në shtëpinë e tij dhe më pas është arrestuar”, tha policia në konferencën për media.
I dyshuari, i cili mësohet se është Shefki Spahiu, kishte pozitën e rreshterit në Polici dhe tashmë i është caktuar masa e paraburgimit.
Burime të Ballkani.info kanë bërë të ditur se polici i dyshuar si doras ka qenë edhe më herët i suspenduar nga detyra, për arsye të disa dyshimeve tjera për përfshirje në vepra penale.
Kujtojmë se për rastin ka reaguar edhe Inspektorati Policor i Kosovës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]