Ligji i ri i Punës do t’i trajtojë edhe lehonat e papuna

Ministri i Punës dhe Mirëqenies Sociale, Skënder Reçica, ka thënë se çështja e grave në punë gjatë lehonisë është hequr nga Ligji i Punës për t’u bërë një ligj tjetër i ri që avancon të drejtat e tyre.
Ai ka deklaruar se në këtë drejtim janë vonuar në miratimin e ligjit të ri në Qeveri.

“Pse e kemi nxjerrë është sepse për herë të parë në historinë e legjislacionit të Kosovës kemi propozuar projektligj të ri për lehonat për arsye të veçantë. Ne kemi dashur t’i trajtojmë edhe lehonat e papuna sepse Ligji i Punës trajton dhe nëse ne dëshirojmë ta trajtojmë pushimin e loheonisë dhe nuk e fusim në agjendë t’i trajtojmë edhe lehonat e papuna. Sipas statistikave i kemi 20 mijë lindje të lehonave të papuna në vitin e kaluar dhe kemi tre apo katër mijë të atyre që punojnë. Realisht kemi nxjerrë ligj të veçantë që përfshihen edhe lehonat e papuna që të mbështeten financiarisht në gjashtë mujorin e parë pas lindjes”, u shpreh Reçica në “Klan Kosova”.

“Pushimi i lehonisë trajtohet me ligj të veçantë dhe jemi të vetëdijshëm që jemi vonuar sepse akoma nuk është miratuar në Qeveri projektligji”.