Fjalë Kyçe

Limaj: Kosova ka ditur edhe në kohë më të vështira të gjejë gjuhën e kompromisit dhe unitet për interes të vendit

Zëvendëskryeministri i Kosovës, Fatmir Limaj, njëherësh kryetari i Nismës Socialdemokrate, ka folur pas zhvillimeve të fundit politike në vend.
Limaj përmes një shkrimi të publikuar në llogarinë e Nismës në ‘Facebook’, ka thënë se Kosova edhe në kohë më të vështira ka ditur ta gjejë gjuhën e kompromisit dhe unitetin për interesin madhor të vendit.
“Edhe sot na duhet unitet për tema të mëdha siç është dialogu. Unë do të vazhdoj ta investoj gjithë kontributin tim për unifikim të qëndrimeve në interes të vendit dhe në bashkërendim të ngushtë me partnerët tanë SHBA-në dhe BE-në, për t’i përmbyllur temat e hapura me Serbinë si dhe të arrijmë deri te njohja e ndërsjellë si dhe anëtarësimin e Kosovës në OKB dhe Bashkimin Europian”, ka thënë Limaj.