Me destinacion Shqipërinë, Policia kolumbiane sekuestron 2 tonë kokainë
Mbi 2 ton kokainë janë kapur ditën e djeshme në portin turistik të Cartagena de Indias, në Kolumbi. Diariosur shkruan se gjithsej u sekuestruan 2279 kilogramë kokainë, e cila do të shpërndahej në Shqipëri, Turqi, Spanjë dhe Itali.
Agjentët e skuadrës speciale e gjetën drogën të fshehur në pako, brenda një kontejneri që po shkonte në qytetin holandez të Roterdamit. Alarmet u shkaktuan për shkak të një sërë parregullsish në dokumentacionin e mallit përpara se të dërgohej.
Falë kësaj dhe një skaneri që më pas kontrolloi kontejnerin, policia zbuloi balotat e kokainës. Mediat e huaja shkruan se ky operacion i ka shkaktuar 100 milionë dollarë humbje trafikantëve të drogës.
“Kjo drogë mund të shpërndahej në tregjet e Turqisë, Spanjës, Italisë dhe Shqipërisë”, tha drejtori i Njësisë Kundër Drogës, Ricardo Alarcón./dosja.al
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]