Fjalë Kyçe

“Më përmendi nënën, u inatosa se më ofendoi”, rrëfehet shqiptari që mbyti gruan në Greqi

“Më përmendi nënën, u inatosa se më ofendoi”, rrëfehet shqiptari që mbyti gruan në Greqi

“Isha i inatosur se më ofendoi. Të më thotë mua ajo për mamanë dhe të më shajë?! E kapa nga fyti dhe e mbyta.”.

Kështu ka deklaruar në polici 42-vjeçari shqiptar, i cili vrau gruan. Ngjarja e rëndë u regjistrua në orët e para të mëngjesit në Blaxioti në Lakonia të Greqisë.

Mediat greke raportojnë se ka qenë pikërisht autori që ka njoftuar në telefon policinë, duke i thënë se; “Më duket se kam vrarë gruan”.

Më pas kjo e fundit ka shkuar me shpejtësi në banesën e çiftit ku ka parë pa ndjenja 36-vjeçaren, e cila rezultoi se kishte ndërruar jetën.

Po ashtu mediat greke kanë publikuar edhe foto të viktimës dhe autorit, të cilën e kishte publikuar ky i fundit një ditë para krimit.

Siç shihet edhe nga pamjet, çifti duket i afërt. nuk dihen detajet rreth ngjarjes së rëndë, ndërkohë që në momentin e krimit dy fëmijët e tyre, dy djem, 8 dhe 10 vjeç, ishin në dhomën ngjitur. Policia po heton rreth ngjarjes.