Miratohet kërkesa për angazhimin e përkohshëm të mbi 1,100 punonjësve shëndetësorë
Qeveria e Kosovës ka miratuar kërkesën e MSH-së për angazhimin e përkohshëm të 1116 profesionistëve shëndetësorë dhe stafit mbështetës për menaxhimin e pandemisë dhe përkrahjen e procesit të vaksinimit kundër COVID-19 për tre muaj me mundësi të vazhdimit edhe për tre muaj tjerë shtesë.
Ministri i Financave Hekuran Murati ka thënë se për këtë angazhim do të ndahen mbi 3 milionë euro të cilat do të alokohen në dy faza.
“Kemi sjellë propozim vendimin për të ndarë 3 milionë e 192 mijë e 854 euro për të mbuluar kostot e këtij angazhimi të përkohshëm. Mjetet sigurohen nga instrumenti për financim të sektorit publik për reagim emergjent ndaj COVID-19. Shuma alokohen në dy faza, për fazën e parë alokohen 1 milion e 596 mijë e 427 euro, kurse për fazën e dytë mund të bëhet me kërkesë të ministrit të Shëndetësisë nëse është e nevojshme”, ka thënë Murati.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]