Fjalë Kyçe

Mustafa përkujton Fehmi Aganin: Tërë jetën ja kushtoi lirisë, demokracisë dhe pavarësisë së Kosovës

Në 20 vjetorin e vrasjes së Heroit të Kosovës Fehmi Agani, kryetari i LDK-së, Akademik Isa Mustafa ka përkujtuar veprimtarinë e tij duke thënë se Agani ishte një vizionar, intelektual dhe atdhetar që tërë jetën ja kushtoi lirisë, demokracisë dhe pavarësisë së Kosovës.

“Akademik Fehmi Agani ishte një vizionar, intelektual dhe atdhetar që tërë jetën ja kushtoi lirisë, demokracisë dhe pavarësisë së Kosovës. Janë bërë plot 20 vjet që na mungon mendjemprehtësia dhe vizioni i tij politik dhe shtetformues”.

Mustafa është shprehur se Fehmi Agani ishte ideator i programit shtetformues në Kosovë, në kohët me vështira nën regjimin serb.

“Profesor Agani ishte përqendruar në përpilimin e argumenteve socio-politike të projektit dhe lëvizjes politike të intelektualëve shqiptar të Kosovës për të drejtën tonë të qeverisim me fatin e atdheut tonë. Fehmi Agani, si nënkryetar i Lidhjes Demokratike të Kosovës dhe bashkëpunëtor i ngushtë i Presidentit Historik dr. Ibrahim Rugova, ishte ideator i programit shtetformues në Kosovë, në kohët me vështira nën regjimin serb. Ai u vra sepse ishte pikërisht i tillë”, ka shkruar Mustafa.