Fjalë Kyçe

Mustafa: Po të kishin fytyrë Osmani e Kurti do ta mbyllnin gojën për liberalizim

Mustafa: Po të kishin fytyrë Osmani e Kurti do ta mbyllnin gojën për liberalizim

Ish-kryeministri i Kosovës, Isa Mustafa, deklaroi se presidentja Vjosa Osmani e kryeministri Albin Kurti, i lanë qytetarët pa liberalizim të vizave.

Mustafa reagoi të enjten në Facebook, pas në Samitin e BE-së me Ballkanin Perëndimor, nuk iu dha Kosovës liberalizimi i vizave.

“Është Vjosa Osmani, Albin Kurti, Shpëtim Bulliqi e piromanet e tyre që në vitin 2015 e 2016, kur ne ishim në një pako me Ukrainën dhe Gjeorgjinë për liberalizimin e vizave shpiknin të pavërteta për ta penguar ratifikimin si kusht të liberalizimit”, shkroi Mustafa, derisa shtoi se Osmani të enjten “nuk u takua në Bruksel me bllokuesin e liberalizimit”.

Ai ironizoi edhe me fjalimin e presidentes Osmani në këtë samit.

“Gati më shkuan lotët kur e lexova deklaratën e Vjosës se vetëm asaj i është dashur viza për këtë takim në Bruksel. Çfarë ironie. Kjo mendon se populli e ka mbajtje mendjen e peshkut”, shkroi tutje ish-kryeministri Mustafa.

Sipas tij, Osmanit e Kurtit në vend të liberalizimit “duhet t’u jepen medalje për mashtrim të popullit”.

“E lanë pa viza, e ua morën mbi 50 për qind të votave. Aferim”, tha tutje ai.