Fjalë Kyçe

Nehat Thaçi pezullohet nga detyra e drejtorit të SHKK-së

Nehat Thaçi pezullohet nga detyra e drejtorit të SHKK-së

Zëvendësministri i Drejtësisë, Blerim Sallahu ka njoftuar se Drejtori i Përgjithshëm i Shërbimit Korrektues të Kosovës, Nehat Thaçi është pezulluar nga detyra.

Përmes një postimi në Facebook, Sallahu ka thë3në se kanë pranuar sot vendimin e Këshillit Shtetëror për Vlerësim dhe Disiplinë.

“Sot, kemi pranuar vendimin e Këshillit Shtetëror për Vlerësim dhe Disiplinë për pezullimin nga detyra të z. Nehat Thaçi – Drejtor i Përgjithshëm i SHKK-së”, shkruan Sallahu.

Tutje, Sallahu ka shtuar se do të presin ftesat e Këshillit për të prezantuar fakte për kërkesën që Thaçi të shkarkohet nga pozita e tij.

“Ditëve në vijim presim ftesat nga KShVD për prezantimin e fakteve tona që e mbështesin kërkesën tonë për shkarkimin e z.Thaçi nga pozita e Drejtorit të Përgjithshëm të SHKK-së”, shkruan Sallahu.