Fjalë Kyçe

Nëse njëra nga pesë kërkesat nuk plotësohet, PSD-ja nuk e voton buxhetin

Nëse njëra nga pesë kërkesat nuk plotësohet, PSD-ja nuk e voton buxhetin

Partia Socialdemokrate (PSD) në këmbim të votës pro buxhetit për vitin 2019 e ka kushtëzuar Qeverinë e Kosovës me pesë kërkesa.

Ligji për dialogun, shkarkimi i ministrit të Bujqësisë, Nenado Rikalo si dhe funksionalizimi i plotë i kësaj ministrie, Ligji për Paga, zvogëlimi i numrave të zëvendësministrave, si dhe reforma e sistemit pensional, janë këto kërkesat e PSD-së.

Shefi i Grupit Parlamentar të PSD-së, Dardan Sejdiu në një intervistë për Ekonomia Online, thotë se nëse vetëm njëra nga këto kushte nuk do të plotësohet, atëherë nuk do të votojnë.

“Jo vetëm këtë kërkesë por edhe kërkesat e tjera pa u plotësuar nuk ka votë për buxhet nga Partia Socialdemokrate dhe ne kemi qenë specifik në kërkesat tona, qe besa kemi edhe zotimin publik të kryeministrit në seancën e fundit të sesionit të kaluar që do të plotësohen të gjitha “, tha Sejdiu.