Një person ka tentuar të vetvritet pak më parë në mes të sheshit të Mitrovicës.
Dëshmitarë nga vendi i ngjarjes i kanë thënë Mitropol se i njëjti ka shqiptuar shahadetin, duke britur me zë të lartë dhe duke tentuar ta therrte veten me thikë.
Veç tjerash dëshmitarët kanë bërë të ditur se i njëjti dukej të ketë qenë shumë i dehur.
Në vendin e ngjarjes kanë arritur menjëherë ekipe të Policisë së Kosovës të cilët e kanë neutralizuar personin në fjalë.
Nuk dihen ende motivet që e sollën në këtë gjendje personin që tentoi ta kryente këtë akt.