Një veturë është përfshirë nga zjarri sot pasdite në fshatin Terrnavc të komunës së Mitrovicës.
Sipas pamjeve të dërguara në redaksinë e Indeksonline, zjarri ka kapluar tërë makinën, e cila bllokoi edhe rrugën për qarkullim.
Dëshmitarët thonë se ekipet e zjarrfikësve janë vonuar pothuajse një orë për të arritur në vendin ku ndodhi rasti.
Nuk raportohet për të lënduar, derisa nuk dihen edhe shkaqet e zjarrit.