Në fshatin Bllacë të Komunës së Suharekës, gjatë ahengut familjarë më saktësish gjatë një dasme, policia në Suharekë ka pranuar një informacion se ka të shtëna nga arma e zjarrit.
“Zyrtarët policorë intervenuan menjëherë dhe dolën në vendin e ngjarjes duke identifikuar edhe personin e dyshimtë i cili kishte shtënë me armë zjarri. I njëjti pranoj dhe në vendin e ngjarjes e dorëzoj një pistoletë të tipit Zoraki Mod 914 B, kalibër 8 mm, një karikator dhe një gëzhojë të shkrepur nga e njëjta armë”, thuhet në komunikatën e policisë.
Tutje bëhet e ditur se në lidhje më këtë rast policia ka informuar prokurorin e shtetit dhe filloj një kontroll.
Ndërsa gjatë realizimit të kontrollit, një person tjetër i dyshimtë u gjet në posedim të armës AK47, kalibër 7.62 mm.
“Policia sekuestroj në cilësinë e provës materiale armët e gjetura, ndërsa të dyshimtit N.G i lindur në vitin 1969 dhe H.G i lindur në vitin 1977, u ndaluan në mbajte në afat prej 48 orë. Rasti është duke u hetuar”, thekson komunikata.
Përkundër thirrjeve dhe projektit “Festo me zëmër dhe jo me armë”, persona të dyshimtë përdorin armë zjarri duke rrezikuar jetën e pjesëmarrësve në ahengje familjare dhe qytetarët për rreth, aty ku banojnë. Policia do të reagojë fuqishëm në të gjitha rastet e paraqitura.