Fjalë Kyçe

Opozita në Suharekë akuzon kryetarin se po u jep tenderë familjarëve, ai e mohon

Opozita në Suharekë akuzon kryetarin se po u jep tenderë familjarëve, ai e mohon

Akuza për keqpërdorim të parasë publike, janë ngritur ndaj kryetarit të Komunës së Suharekës, Bali Muharremaj.

380 mijë euro janë ndarë gjatë qeverisjes së kaluar për rregullimin e rrugës ‘Brigada 123’, njëra ndër rrugët kryesore të kësaj Komune. Me ardhjen e Muharremajt në pushtet, disa nga mjetet u ri-destinuan, raporton KTV.

Sipas opozitës, Muharremaj keqpërdori pushtetin edhe me tenderin për furnizim me 14 dyer të reja në shkollën e mesme të Teknikës, “Skënder Luarasi”.

Sipas tyre, tenderi iu dha një të afërmi të Muharremajt. Ata thonë se dyert nuk u ndërruan, por vetëm u lyen.

Të gjitha këto akuza, kryetari i Komunës së Suharekës, i ka mohuar.

Drejtori i shkollës, ndërkohë, thotë se ishte ai që kërkoi që dyert të mos ndërrohen.

Muharremaj ishte akuzuar edhe për punësime partiake në disa shkolla të Komunës së Suharekës.