Osmani dënon sulmet mbi gazetarët në veri “nga bandat kriminale të mbështetura nga Vuçiqi”
Presidentja e Kosovës, Vjosa Osmani, ka dënuar sulmet mbi gazetarët në veri të vendit.
Ajo ka thënë se këto sulme shpërfaqin qëllimet e vërteta të Beogradit.
“Sulmet mbi gazetarët që po raportojnë nga veriu i Kosovës nga bandat kriminale të mbështetura nga Vuçiqi, shfaqin qëllimet e vërteta të Beogradit për të fshehur të vërtetën”, ka shkruar ajo në Twitter.
Osmani ka shtuar se qasja e lidershipit serb nuk ka ndryshuar qysh nga vitet e 90-ta dhe se ai do të dështojë.
“Udhëheqja e Serbisë mund të ketë ndryshuar që nga vitet ’90, por qëllimet e tyre nuk kanë ndryshuar. Ata do të dështojnë. Demokracia dhe shteti i së drejtës do të mbizotërojnë”, ka theksuar Osmani.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]