PDK-ja kërkon shkarkimin e ministres Gërvalla
Deputeti i PDK-së, Abelard Tahiri ka thënë se ministrja e Punëve të Jashtme dhe Diasporës, Donika Gërvalla edhe sot ka fyer luftën e UÇK-së, viktimat e luftës e të dhunuarit.
Ai ka thënë se nuk mund të lejojnë që ministrja e Punëve të Jashtme të flet me narracionin e njëjtë me autoritetet serbe.
Tahiri ka thënë se kërkojnë nga Kurti që sa më parë ta shkarkojë këtë ministre.
“PDK e merr me shqetësim qëndrimin e ministres së Punëve të Jashtme sepse ajo e përfaqëson Kosovën. Ne e kemi në vazhdimësi një tendencë nga mazhoranca të sillet kështu me opozitën. I bëjmë thirrje mazhorancës të tërhiqet nga ky pozicion që është i dëmshëm”, ka thënë ai.
Tahiri ka thënë se sot u pamundësua vazhdimi i seancës pasi sipas tij kishin fyerje nga deputetët e mazhorancës.
Ai ka shtuar se për opozitën ishte e pamundur të qëndronin në seancë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]