Për të pestën herë Petkoviqit i ndalohet hyrja në Kosovë
Drejtorit i të ashtuquajturës Zyrë për Kosovën në Serbi, Petar Petkoviq, i është ndaluar hyrja në Kosovë.
Ky është ndalimi i pestë që nga fillimi i vitit që Kosova po i vendos Petkoviqit, i cili është edhe kryenogociator i palës serbe në bisedimet mes Kosovës dhe Serbisë, shkruan Novosti, transmeton Gazeta Sinjali.
Petkoviq, mëngjesin e sotëm ka qenë në vendkalimin kufitar në Merdare, por i është penguar hyrja.
Bëjmë të ditur se Petkoviqit iu ndalua hyrja në Kosovë më 13 janar, 16 prill, 3 shtator dhe 23 nëntor vetëm këtë vit.
Ndalimi i ri vjen vetëm disa ditë pasi BE u kërkoi autoriteteve të Kosovës të respektojnë marrëveshjet dhe të lejojnë hyrjen e Petkoviqit.
Ndërkaq, ditë më parë katër ministrave të Republikës së Kosovës, nga autoritetet serbe u është ndaluar vizita që kishin planifikuar të bënin në Luginën e Preshevës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]