Përurohet ura në fshatin Smolicë të Gjakovës
Banorët e fshati Smolicë tashmë do ta kenë më të lehtë qarkullimin, pas përurimit të urës së re, investim ky në vlerë mbi 500 mijë euro, si pjesë e bashkëpunimit mes komunës së Gjakovës dhe Ministrisë së Infrastrukturës dhe Transportit.
Ky investim u konsiderua si i qëlluar pasi, përveç tjerash, kjo urë lidhë Gjakovën me qytete të tjera dhe Shqipërinë.
Ministri në detyrë i Infrastrukturës dhe Transportit, Pal Lekaj, tha se përurimi i kësaj ure është një dëshmi se pa marrë parasysh proceset, ata nuk do të ndalen së punuari.
Ndërsa, kryetari i Gjakovës, Ardian Gjini u shpreh i bindur se gjitha këto projekte infrastrukturore po e ndërrojnë komplet pamjen e Gjakovës.
Ndryshe, gjatë ditës është përuruar edhe rruga Dol – Lipovec, në gjatësi rreth 4 kilometra, rrugën ‘Ramamat’ e gjatë rreth 3 kilometra me një kosto 171 mijë euro dhe rrugën ‘Muharrem Domi”, në gjatësi 715 metra, në vlerë mbi 155 mijë euro.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]