Policia arreston të dyshuarin për vrasjen te nënkalimi në rrugën “Bill Clinton” në Prishtinë
Policia e Kosovës ka arrestuar personin e dyshuar lidhur me vrasjen e raportuar më 20 Korrik 2019 te nënkalimi në Rrugën “Bill Clinton” në Prishtinë.
Në njoftim thuhet se “Policia e Kosovës pas ndërmarrjes së veprimeve të vazhdueshme hetimore dhe operacionale lidhur me rastin e raportuar me datë 20.07.2019 “Vrasje” të ndodhur në Prishtinë tek nënkalimi në rrugën Bill Klinton, ju informon se sot rreth orës 17:00 Sektori i Hetimeve të Stacionit Qendra në bashkëpunim me Hetimet Rajonale të Drejtorisë Rajonale të Policisë në Prishtinë, kanë arrestuar të dyshuarin: N.B mashkull/shqiptar/kosovar”.
Sipas Policisë personi i dyshuar është në proces të intervistimit dhe në konsultim me prokurorin kompetent do të ndërmerren të gjitha veprimet e mëtutjeshme sipas procedurave ligjore.
Kujtojmë se të shtunën pasdite në Prishtinë, personi në fjalë është rrahur për vdekje.
Personi ishte dërguar në emergjencë, i cili kishte pësuar lëndime të rënda dhe si pasojë ka ndërruar jetë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]