Fjalë Kyçe

Policia jep detaje për kërcënimin ndaj djalit të Isa Mustafës, si ndodhi ngjarja

Policia jep detaje për kërcënimin ndaj djalit të Isa Mustafës, si ndodhi ngjarja

Besnik Mustafa, djali i kryetarit të Lidhjes Demokratike të Kosovës, Isa Mustafës, ka marrë një mesazh kërcënues në rrjetin social Facebook, nga një person i panjohur.

Për këtë rast, detaje ka dhënë edhe Policia e Kosovës në raportin 24 orësh, ku është theksuar se Mustafa e ka lajmëruar rastin në polici.
Ankuesi mashkull K/Shqiptar ka raportuar se më datë 26.12.2019 rreth orës 23:20 ka pranuar një mesazh kërcënues në profilin e tij privat në rrjetin social Facebook nga një profil me emër mashkulli. Sipas ankuesit i dyshuari e kishte fyer, ofenduar në baza familjare dhe e kishte kërcënuar. Rasti është duke u hetuar nga njësitet kompetente policore”, thekson raporti.

Ndërkaq Mustafa e ka publikuar mesazhin në Facebook. Në mesazh thuhet ndër tjera nga dërguesi se “kom me të kall për së gjalli” e shumë ofendimi tjera banale.

Mirëpo ky mesazh nuk e ka shqetësuar shumë Besnik Mustafën.

Ai në Facebook ka shkruar: “Një prej zagarëve….bile mos u mshefni, nëse keni diqka veq kallxoni ku doni qysh doni”.