Policia kufitare ndalon një person, në furgon i gjetën 1 mijë e 300 litra derivate
Policia e Kosovës ka ndaluar një shtetas serb në kufirin e Leposaviqit të cilit iu gjetën 1 mijë e 300 litra derivate.
Përmes një komunikate për media, Policia ka njoftuar se gjatë kryerjes së detyrave patrulluese në zonën e fshatit Tresavë, ka hasur personin e dyshuar, shtetas i Serbisë i cili dyshohej për kontrabandë.
‘’Sot më datë 26.10.2021, rreth orës 08:50, Policia Kufitare e Kosovës, konkretisht patrulla e stacionit për mbikëqyrje të kufirit – Leposaviq ka ndaluar një furgon, “Renault Master” ngjyrë blu me targa të Serbisë, të cilin e drejtonte i dyshuari mashkull me iniciale T.E. (viti i lindjes 2000). Gjatë kontrollit të brendshëm të automjetit (furgonit) u konstatua se i dyshuari transportonte derivate prej rreth njëmijë e treqind (1300) litrash, si dhe në automjetin e tij me targa të Serbisë nuk kishte të vendosura stikersat në targa’’, thuhet në njoftimin për media.
Ndërsa rasti është iniciuar nga autoritetet kompetente policore për procedura të mëtejme ligjore.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]