Prokuroria pranon nga Zvicra raportin e ekspertizës për vdekjen e Astrit Deharit
Prokuroria Speciale e Republikës së Kosovës, ka pranuar sot raportin përfundimtar të ekspertizës për vdekjen e Astrit Deharit, i cili është kryer në Zvicër.
Kjo është bërë e ditur nga Prokurori i Shtetit, Admir Shala, i cili tha se ende nuk është hapur ky raport dhe nuk dihet përmbajtja e tij.
“Sot kemi pranuar raportin e ekspertizës mbi vdekjen e Astrit Deharit, nga Lozana, përmes ambasadës së Zvicrës në Kosovë. Ende nuk është hapur raporti nuk e dimë përmbajtjen e tij, raportin do ta dorëzojmë tek prokurori i rastit pastaj do të dorëzohet për përkthim, pas përkthimit dhe dorëzimit tek prokurori i rastit, do ta njoftojmë opinionin se çfarë përmban ky raport”, ka thënë ai para mediave, transmeton Telegrafi.
Prokurori i Shtetit, Admir Shala gjatë konferencës Foto: Ridvan Slivova
Shala bëri thirrje që opinioni të përmbahet deri në publikimin e raportit dhe të mos dëmtohet procesi.
Ai tha së në momentin e përkthimit të raportit do ta dorëzojnë atë tek avokati i familjes Dehari.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]