Provokohen shqiptarët në veri të Mitrovicës me pamflete fyese për 11 vjetorin e Pavarësisë
Pamflete me fotografi fyese në ditën kur Kosova shënon 11 vjetorin e Pavarësisë së Kosovës janë parë sot gjatë ditës në veri të Mitrovicës, duke provokuar kështu banorët shqiptarë të asaj pjese dhe më gjerë.
Më saktë, në këto pamflete vërehen gishtat e mesëm të të dy duarve si simbol i numrit 11, ndërsa shkruan “years of occupation”, që në përkthim do të thotë 11 vjet të okupimit.
Burime të KosovaPress-it kanë bërë të ditur se këto pamflete janë vendosur nga njerëz të afërt me Millan Radojçiqin, emri i të cilit ndërlidhet me shumë ngjarje në veri, duke përfshirë edhe vrasjen e politikanit Oliver Ivanoviq.
Agjencia e lajmeve ka provuar të kontaktojë policinë në veri në lidhje me këto pamflete, por një gjë e tillë ka qenë e pamundur.
Ndryshe, ditë më parë kur një ushtar i KFOR-it ua pati ngritur gishtin e mesëm disa qytetarëve serbë në veri, mediat në Serbi ishin alarmuar duke e quajtur akt terrorist një gjë të tillë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]