Qeveria: Nuk ka paga për grevistët
Qeveria e Kosovës ka bërë të ditur se nuk do të ekzekutohen pagat e muajit shtator në sektorin publik, për ata që kanë qenë në grevë.
Këtë e konfirmoi për Gazetën Online Reporteri, zëdhënësi i Qeverisë së Kosovës, Përparim Kryeziu i cili tha se “punëtorëve të cilët kanë dalë në punë dhe kanë kryer detyrat dhe përgjegjësitë e tyre, tashmë u janë ekzekutuar pagat për muajin shtator”.
“Për muajin shtator, pagesat në sektorin publik janë ekzekutuar për zyrtarët të cilët kanë dalë në punë dhe kanë kryer detyrat dhe përgjegjësitë e tyre”, tha Kryeziu.
Zëdhënësi i Qeverisë shtoi se paga mujore është kompensim i punës.
“Paga mujore është kompensim për punë. Në raste të grevave, kjo çështje përcaktohet në ligjin për Greva”, tha Kryeziu.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]