Reagon LDK pas sulmit me vezë ndaj Avdullah Hotit, thumbon Vetëvendosjen

Lidhja Demokratike e Kosovës ka reaguar pas sulmit me vezë ndaj zëvendëskryeminsitrit të Kosovës, Avdullah Hoti.

Në reagimin e LDK-së thuhet se sulmi ndaj Hotit është akt i ulët, i papranueshëm dhe i dëmshëm për proceset vendimtare politike që po kalon Kosova.

LDK ka thumbuar Vetëvendosjen në reagim duke përmendur vitet 2015-2016 kur partia e tashmë kryeministrit Kurti kishte sulmuar me vezë kryeministrin e atëhershëm Isa Mustafën.

“Është i papranueshëm kthimi i shoqërisë sonë në sulme të këtilla, njësoj si në vitet 2015-2016, me qëllim stagnimin dhe bllokimin e proceseve shtetformuese që i kemi ndërtuar në partneritet me miqtë tanë ndërkombëtar. Kosova ka nevojë për qetësi, maturi dhe unitet në politikbërje dhe udhëheqje të vendit”, thuhet në reagimin e LDK-së.

Ky është reagimi i plotë:

Sulmi i sotëm ndaj zëvendëskryeministrit të Republikës së Kosovës, Avdullah Hoti është një akt i ulët, i papranueshëm dhe i dëmshëm për proceset vendimtare politike nëpër të cilat po kalon vendi ynë.

Është i papranueshëm kthimi i shoqërisë sonë në sulme të këtilla, njësoj si në vitet 2015-2016, me qëllim stagnimin dhe bllokimin e proceseve shtetformuese që i kemi ndërtuar në partneritet me miqtë tanë ndërkombëtar. Kosova ka nevojë për qetësi, maturi dhe unitet në politikbërje dhe udhëheqje të vendit.