Reagon PDK: Në AAK aderuan pronaret e bastoreve dhe kazinove

Dega e PDK-së në Ferizaj e ka demantuar deklarimin e kryetarit të AAK-së, Ramush Haradinaj se në Greme të Ferizajt, mbi 250 anëtarë të PDK-së iu bashkuan këtij subjekti politik.

Reagimi i degës së PDK-së:

Dega e Partisë Demokratike të Kosovës në Ferizaj demanton publikisht deklarimin e Kryetarit të AAK-së, Ramush Haradinaj se në Greme të Ferizajt, mbi 250 anëtarë të PDK-së iu bashkuan këtij subjekti politik. E vërteta qëndron krejtësisht ndryshe, janë dhjetëra të pakënaqur që kanë ndërruar subjektin politik dhe kjo si pasojë e aksioneve të pushtetit lokal në Ferizaj kundër kriminalitetit dhe veprimeve të paligjshme që ka rezultuar me mbylljen e bastoreve dhe kazinove me pronarë e menaxherë këta “të aderuar” në AAK.PDK në Ferizaj, konsideron se manipulimet e tilla të opinionit publik janë qëllimkëqija dhe fare larg garës fer e demokratike për zgjedhjet parlamentare të 6 tetorit, madje duke promovuar edhe shembullin e keq sesi një grup individësh që sfidonin shtetin në luftë kundër basteve e kazinove, priten me entuziazëm dhe promovohen si prurje në subjektin politik AAK.PDK në Ferizaj ka të konsoliduar një mekanizëm të fuqishëm strukturor në shërbim të zgjedhjeve fer e demokratike, madje fshati Greme është sinonim sesi qeverisjet e Partisë Demokratike të Kosovës kthejnë një fshat të tërë në kantier pune e terren të investimeve lokale e qendrore. Kjo qasje e pushtetit lokal të udhëhequr nga Partia Demokratike e Kosovës do të vazhdoj me intensitet të shtuar që gremasve t’i ofroj atë çfarë meritojnë, pa kauza të rrejshme e bashkime me grupe kriminale siç promovojnë subjektet tjera politike.