Rikthehet Abrashi, Panucci me një “luftëtar” më shumë!
Një rikthim i rëndësishëm për kombëtaren shqiptare. Amir Abrashi është aktivizuar për 63 minuta në sfidën miqësore që Freiburg zhvilloi ndaj Mainz ditën e shtunë, takim që përfundoi në barazim 2-2.
Edhe pse vinte nga një mungesë e gjatë mesfushori shtatshkurtër shfaqi të gjithë gritën e tij në këtë ndeshje miqësore që dëshirën që e karakterizon për të luajtur futboll dhe për të mos u dorëzuar kurrë.
Dy vitet e fundit kanë qenë të vështira për Abrashin i cili ka vuajtur dëmtimet e shpeshta, madje në këtë sezon nuk ka debutuar ende.
Megjithatë 28-vjeçari tashmë është gati për të luajtur rregullisht dhe nëse Abrashi arrin të kapë formën ideale atëherë trajneri Panucci do të ketë një luftëtar më shumë për sfidat e para të Shqipërisë në eliminatoret e kampionatit evropian që do të zhvillohen në muajin mars ndaj Turqisë dhe Andorrës.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]