Rikthimi i Adem Grabovcit, rrezikon pozitën e Xhavit Halitit në Pejë

Gazeta Blic nga burime të saja ka marrë vesh se Adem Grabovci, dikur ndër njerëzit më të fuqishëm të kësaj partie, po pretendon ta marrë drejtimin e degës, pozitë që e pretendon edhe kryetari aktual, Xhavit Haliti.

“Tash e disa muaj ka nisur beteja në teren nga Xhavit Haliti e Adem Grabovci, për ta marrë kreun e degës”, thonë burimet e Gazetës Blic.

Gjithnjë sipas këture burimeve, Grabovci po mundohet që përmes marrjes së degës të kthehet fuqishëm edhe në parti, në qendër.

Ndërkaq, dje Grabovci përmes një postimi në facebook ka theksuar se kanë nisur aktivitetet për zgjedhjet e brendshme të degës.Më poshtë postimi i Grabovcit:

Në Prilep të Deçanit, në një atmosferë demokratike u zhvillua procesi i brendshëm zgjedhor i PDK-së në këtë nëndegë.Duke parë mbështetjen dhe masovizimin e kuvendeve zgjedhore, mund të themi lirisht se PDK po dëshmon se është bindshën si parti e parë për nga mbështetja por edhe për nga zhvillimi i proceseve demokratike.

I urojmë kryetarit të ri-zgjedhur të kësaj nëndege, Bajram Zogaj, dhe strukturave të zgjedhura suksese në ushtrimin e përgjegjësive që kanë marrë.